Leitte etter rømling: Blei pågripen måndag kveld
Politiet sette i verk store ressursar for å leite etter ein mann som rømte frå politiarresten måndag ettermiddag.
Seint på kvelden blei mannen funne etter tips frå publikum.
– Han blei pågripen klokka 23:30 utan dramatikk på open gate på Aspøya, opplyste operasjonsleiar Arild Even Reite i politiloggen seint måndag kveld.
Saka held fram etter annonsen
Politiet hadde store ressursar i sving og brukte om lag ti timar på å finne mannen. Leitinga var konsentrert rundt Ålesund sentrum og i området Aspøy.
Folk som hadde observasjonar av mannen blei bedt om å tipse politiet.
– Mannen er sikta for ei rekke lovbrot, mellom anna alvorleg vald og truslar. Ikkje oppsøk vedkomande ved observasjon, men kontakt politiet umiddelbart, skreiv Sindre Molnes i politiloggen tidleg på dagen.
