Ærlege blikk frå ein niandeklassing

Førre veke var Oleanna Godø Oftedal frå Giske ungdomsskule utplassert hos ØyBlikk. Her er noko av det ho festa til minnekortet.

Oftedal går i 9. klasse og har hatt som oppgåve å ta ymse foto som ØyBlikk treng til sitt fotoarkiv. Ho har også fått høve til å vere kreativ for å sjølv finne objekt å ta bilde av. Dessutan har ho fått demonstrert korleis ein behandlar bilda, brekker papiravis og trykkar opp eit hefte. Det heile resulterte i eit flott sluttprodukt med både bilde og dagbok frå arbeidsveka.

Det fine med å ta bilde, er at ein sikrar augeblinken for æva – både til fortviling og til forlysting. Utan bilde som verktøy, kan det bli vanskeleg å dokumentere sanninga på ærleg vis. Bilde er dokumentasjon på ei usminka sanning, i alle fall så lenge ein ikkje tuklar med bilda. Vi kan garantere at desse bilda ikkje er KI-genererte på noka måte. Einaste endring som er gjort, er å sladde eit bilnummer av personvernomsyn.

Vi takkar Oleanna for at ho ville ha arbeidsveke hos ØyBlikk.