Tilsett som kommunedirektør

Kommunestyret i Giske vedtok måndag kveld å tilsette Karl André Birkhol som ny kommunedirektør, i tråd med tilrådinga frå formannskapet.

Det fortel ordførar Harry Valderhaug til ØyBlikk.

– Birkhol blei invitert inn i kommunestyremøtet for å seie nokre ord til kommunestyret etter tilsettinga. Han blei gratulert og overrekt blomar frå ordførar og kommunestyret, seier Valderhaug etter det ekstraordinære kommunestyremøtet.

Karl André Birkhol forlet jobben som kommunedirektør i Fjord kommune for å trø til i same stilling i Giske.

– Giske kommune har eit stort potensial for samfunns- og næringsutvikling, og eg ønskjer å vere med på å løyse ut dette potensialet og utvikle framtidsretta tenester for samfunnet med den stolte historia, sa Birkhol i samband med tilrådinga frå forhandlingsutvalet torsdag i førre veke.

ØyBlikk kjem tilbake med eit intervju med den nye kommunedirektøren i løpet av veka.