Stabilt opplag for ØyBlikk

Tysdag blei opplagstala for andre halvår i fjor offentleggjort. ØyBlikk held seg stabilt etter den gode oppgangen frå 2022 til 2023.

Frå andre halvår 2022 til andre halvår 2023 auka ØyBlikk opplaget frå 1131 til 1299. Den gongen auka ØyBlikk mest i fylket, med 14,9 prosent.

Tala som blei offentleggjort tysdag viser at ØyBlikk har eit opplag på 1290 per andre halvår 2024.

Elles viser tala på landsbasis at totalopplaget er stabilt, men at heildigitale abonnentar for første gong utgjer meir enn halvparten av opplaget i alle aviskategoriar, ifølgje Medier24. Og for lokalavisene er 70 prosent av abonnementa heildigitale.

Aviser i Tvisyn-konsernet	Andre halvår 2024	Andre halvår 2023	Endring	Prosentendring
ØyBlikk:	1290	1299	-9	-0,7%
Vestnesavisa:	1199	1328	-129	-9,7%
Midsundingen:	1006	1000	6	0,6%
Hustadvikingen:	1144 (ny)
Malviknytt:	1048 (ny)
Østhavet:	966 (ny)