Som eit grep for å kome tettare på innbyggarane, blir Torsdagsstand lansert på nyåret. Då kan du treffe og samtale med redaktøren omtrent kvar tredje torsdag, på ulike stadar i kommunen vår.
ØyBlikk har som mål å auke innbyggardialogen og bli meir synlege i lokalsamfunnet.
– Tidvis kjem innbyggarar og lesarar innom kontorlokala våre med tips, ros, konstruktiv kritikk eller i andre ærend. Men det er ikkje så mange, så vi ønsker å vere meir til stades for dialog ute blant folk, seier redaktør Andreas Hesselberg.
Første Torsdagsstand blir på Alnes fyr og opplevingssenter den 18. januar frå klokka 11 til 13.
– Kom innom standen for å gi oss tilbakemeldingar på kva vi bør skrive om, kva vi bør bli betre på eller berre for å slå av ein hyggeleg prat om kva som rører seg i ditt lokalsamfunn, oppfordrar redaktøren.
«Ruta» blir truleg lagt opp slik fram mot sommaren, alle med tidspunkt 11-13:
- 18. januar: Alnes fyr og opplevingssenter
- 8. februar: Kiwi/PSS Ytterland
- 29. februar: Joker Vikane
- 21. mars: Joker Godøy
- 11. april: Rema Valderøy
- 16. mai: Joker Vikane
- 6. juni: Alnes fyr og opplevingssenter
- 27. juni: Kiwi/PSS Ytterland
Eventuelle endringar blir annonsert i ØyBlikk på nett og papir.
