Utbyttet blei heller skrint då tjuvar knuste ruta til Krølle Frisørsalong på Valderøya og stal frå kassa natt til laurdag. Inne i lokalet fann Steinar Severinsen ein stor stein som var brukt til ugjerninga.
Det var laurdag morgon klokka 8:45 at innbrotet blei oppdaga av Steinar Severinsen, då han kom på jobb. Tjuvane har hive ein stor stein gjennom vindauget for å kome til kassaapparatet. Det er første gongen frisørsalongen har opplevd innbrot.
Saka held fram etter annonsen
– Det er kjipt at nokon øydelegg så mykje berre for å få tak i nokre få kroner, seier dagleg leiar Anne-Britt Fylling Nygård til Øy-Blikk.
Då Øy-Blikk var på staden, var politiet ferdig med åstadsundersøkingar. Glassfirma var på plass for å sjå på skadane.
Utbyttet blei skrint: Tjuvane fekk med seg i overkant av 1700 kroner.
