Meteorologisk institutt har kome med farevarsel som gjeld fredag til søndag: Det kan bli snøfall!
Det gjeld å sko bilen godt om ein skal køyre høgare enn 400-700 meter i helga. Frå fredag kveld til søndag morgon er det nemleg venta snøbyer i fjellet i Møre og Romsdal, Trøndelag og delar av Vestland.
Saka held fram etter annonsen
Folk blir bedne om å skifte til vinterdekk om ein skal køyre der det er fare for snø, og ein bør berekne noko ekstra tid til transport og køyring. Det vil òg vere risiko for kolonnekøyring og/eller stengte vegar dersom det blir snøfokk i fjellet, opplyser Meteorologisk institutt.
Det tar truleg litt lengre tid utover hausten før Kong Vinter strør himmelsk korrekturlakk over feilstava sommar i låglandet.