Jula nærmar seg, og tradisjonen tru vil ØyBlikk vere med på å heidre folk som har gjort noko godt for andre ved å dele ut ei julemerksemd i vekene fram mot jul. Send oss tips om den personen eller gruppa du meiner fortener litt heider!
Vi vil gjerne ha både eldsjeler, frivillige og andre innbyggarar fram i lyset – kort sagt dei som har gjort ein innsats for andre gjennom 2023.
Saka held fram etter annonsen
Dei som har gjort noko bra for lokalsamfunnet og fellesskapen er vel og bra, men vi vil gjerne òg få fram dei som har gjort ein liten ting som har betydd noko stort for akkurat deg! Det skal ofte ikkje så mykje til for å utgjere ein skilnad i kvardagen for andre. Og nokre gongar er det viktig å heidre dei som har utgjort denne skilnaden – sjølv om dei kanskje ikkje er ute etter heider.
Tips oss på redaksjon@oyblikk.no, send oss ei melding i innboksen på Facebook eller ring 40 85 82 84. Absolutt alle tips frå heile kommunen blir mottatt med takk!